Әлмәттә гомумшәһәр планеркасы узды
Бүген, 25 мартта, Әлмәт муниципаль районының гомумшәһәр планеркасы 22 мартта Мәскәү янындагы Красногорск шәһәрендә булган «Крокус Сити Холл» террор һөҗүме корбаннары истәлегенә бер минут тынлык белән башланды.
«Массакүләм чаралар үткәргәндә куркынычсызлык чараларын көчәйтергә кирәк», - дип билгеләп үтте Айдар Каюмов киңәшмәне ачып.
Аннары башкарма комитет җитәкчесе 2025 елда төзекләндерүгә планлаштырылган иҗтимагый киңлекләрне сайлап алу мәсьәләләренә игътибарны юнәлтте.
- Тавыш бирү 15 марттан 30 апрельгә кадәр Татарстан Республикасы дәүләт һәм муниципаль хезмәтләр Порталында «халыкны сораштыру» сервисы һәм «ТР Хезмәтләре» мобиль кушымтасы аша уза. Узган ел белән чагыштырганда, иҗтимагый территорияләрне сайлап алуны «Безнең ишегалды» республика программасының ишегалды территорияләренең беренче чираттагы исемлеген билгеләү буенча тавыш бирү белән бергә алып бару планлаштырыла. Республикада 14 яшьтән өлкәнрәк булган һәр кеше теге яки бу иҗтимагый һәм ишегалды территориясе өчен үз тавышын бирә алачак. Коллективларда актив тавыш бирүне оештырырга кирәк, - дип ассызыклады ул һәм тиешле йөкләмә бирде.
Тагын бер мөһим тема-җылыну, түбәләрне чистарту һәм башка йөкләмәләрне үтәү буенча чаралар күрелде 19 мартта планерка протоколы буенча Әлмәт муниципаль районы Советы Аппараты җитәкчесе Роза Афлятунова докладында яңгырады.
Киңәшмәдә катнашучыларга «2023 елда Россия Эчке эшләр министрлыгының Әлмәт районы буенча бүлеге эшчәнлеге нәтиҗәләре һәм алдагы чорга бурычлар турында» доклад тәкъдим ителде.
Ф.З. Яруллин исемендәге Әлмәт музыка көллияте эшчәнлеге турында учреждение директоры Гүзәл Пәйдуллина сөйләде.
Планерка ахырында Совет Аппараты җитәкчесе Роза Афлятунова алдагы атнага планлаштырылган чаралар турында мәгълүмат бирде.