ЯҢАЛЫКЛАР

Татарстан Дәүләт Советы Башлыгы, “Бердәм Россия” партиясенең Татарстан төбәк бүлеге сайлау штабының РФ Федераль җыелыш дәүләт Думасына сайлаулар буенча рәисе Фәрид Мөхәмәтшин Казанда узган брифингта Татарстан прймеризын якынча нәтиҗәләрен игълан итте. Бүген республиканың 560 участогында сайлаулар узды. “Бюллетеньнар саны белән чикләнгән 15% килү үтәлде. Гражданнар югары сәяси активлык күрсәтте” – дип хәбәр итте ул.

Әлмәт муниципаль районында “Бердәм Россия ” партиясеннән РФ VII чакырылыш ФҖ Дәүләт Думасына кандидатларны билгеләү өчен гомумфедераль алдан тавыш бирү уңышлы тәмамланды. 

Бүген ТР Хакимият Йортында узган киңәшмәдә ТР төзелеш, архитектура һәм трак-коммуналь хуҗалыгы министры Ирек Фәйзуллин 2016 елда республикада капиталь төзекләндереләсе 830 күпфатирлы йортның 720сендә эшләр башланган дип хәбәр итте.

Видеоконференция рәвешендәге киңәшмәне ТР Президенты Рөстәм Миңнеханов үткәрде.

Бүген ТР Хакимият Йортында ТР Президенты Рөстәм Миңнеханов видеоконференция рәвешендә киңәшмә үткәрде. ТР Премьер-министры урынбасары, авыл хуҗалыгы һәм азык-төлек министры Марат Әхмәтов республикада 1,7 мең гектар яки җир мәйданының 97% чәчелгән, соң уңдырышлы культураларны, бәрәңге һәм яшелчәләрне утырту бара, дип хәбәр итте. Хәзер терлек азыгы әзерләү бурыч тора.  

Татарстанда алдан тавыш бирү нәтиҗәләре буенча экзит-полларның лидерлары итеп ТР Премьер-министры урынбасары, авыл хуҗалыгы һәм азык-төлек министры Марат Әхмәтов , РФ Дәүләт Думасы депутатлары Ирек Богуславский һәм Александр Сидякин, РФ финанслар министры урынбасары Айрат Фәррахов чыкты. Бу турыда “Россия хоку белгечләре ассоциациясе” гомумроссия иҗтимагый оешмасының Татарстан төбәк бүлекчәсе рәисе Илнар Гирфанов хәбәр итте. 

Татарстанда алдан тавыш бирү барышын 5 мең күзәтүче күзәтеп тора.

Татарстан Төбәк санау комиссиясе рәисе Елена Григорьева брифинг вактында әлеге сәгатькә санау комиссиясенә бер генә шикаять тә бирелмәве турында хәбәр итте. 

Бүген көннең беренче яртысында Әлмәт муниципаль районы башлыгы Айрат Хәйруллин“Бердәм Россия” партиясеннән Дәүләт Думасына депутатлыкка кандидатлар өчен тавыш биреп чыкты. Шул ук сайлау участогында ТР Президенты каршында эшмәрләр хокукларын яклаучы вәкаләтле вәкил Тимур Нагуманов та тавыш бирде. 

Сәгать унга алдан тавыш бирүдә инде 123 мең 964 сайлаучы яки барлык сайлаучыларның 4,23 % катнашкан. Бу турыда процента Татарстан Төбәк санау комиссиясе рәисе Елена Григорьева хәбәр итте.

Праймеризда 2,3 меңнән артык кеше эшли. 

Алдан тавыш бирү бердәм көнендә 560 санау участогы да бернинди тоткарлыксыз ачылды. Бу турыда алдан тавыш бирү бердәм көненең матбугат үзәгендә Татарстан праймериз үткәрү оештыру комитеты җитәкчесе, республика парламенты спикеры урынбасары Юрий Камалтынов хәбәр итте.