Муниципаль районнар Әлмәт муниципаль районы һәм Әлмәт шәһәре Файдалы мәгълүмат Торак-коммуналь хезмәтләр өчен субсиядине һәркем үзе исәпли ала

Торак-коммуналь хезмәтләр өчен субсиядине һәркем үзе исәпли ала

Торак-коммуналь хуҗалык халыкны борчуга салган иң проблемалы тармакларның берсе булып калуын дәвам итә. Аеруча соңгы айларда ОДНның зур булуы, Бердәм исәп-хисап үзәгендәге төгәлсезлекләр күп кенә аңлашылмаучанлыкларга сәбәп булды. Әлеге уңайдан район җитәкчелеге Россия Федерациясенең 2005 елда кабул ителгән 761 санлы карары нигезендә түләнә торган субсидияне янә бер кат ачыклау, аңлатып халыкка җиткерү бурычы куелган иде. 25 февраль көнне Халыкны социаль яклау идарәсендә идарә җитәкчесе һәм белгечләр журналистларны кызыксындырган сорауларга җавап бирделәр.

Закирҗан Шакирҗанов билгеләп узганча, 2005 елдан башлап торак һәм коммуналь хезмәтләр өчен әлеге төр субсидияләрдән бүгенге көндә Әлмәт районы һәм шәһәрендә яшәүче 5160тан артык кеше файдалана. Сезнең гаиләгә квартплата өчен субсидия тиешме, юкмы икәнлеген һәркем үзе исәпли ала. Субсидияне исәпләү түбәндәге формула буенча башкарыла.

Субсидия РФ= РСС х n – 21%х ССД

РРС – региональный стандарт стоимости ЖКУ на 2013 год (регионда торак – коммуналь хезмәтләр өчен түләү бәясе стандарты)
ССД – средний совокупный доход домохозяйства (гаиләнең бер айлык гомуми кереме)
n – количество членов домохозяйства (гаиләдәге әгъзалар саны)

Шунысын искәртеп узабыз, регионда торак-коммуналь хезмәтләр өчен түләү бәясе стандарты ел сезонына карап үзгәреп тора. Кыш көне без җылылык өчен зур суммалар түлибез, шуңа региональ стандарт та күбрәк чыга, ә җәй көне киресенчә. Региональ стандартны төгәл ачыклау өчен үзегез яшәгән йортның нинди категориягә керүен ачыкларга кирәк. Бу очракта субсидия аерым квартплатага карап исәпләнми.
Минималь төрләргә керүче йортлар: газ, электр энергиясе, салкын су һәм ТБО чыгару.
Урта төрләргә керүче йортлар: минималь төрләр+торак йортны карап тору һәм ремонтлау.
Тулы төргә керүче йортлар: урта төргә кергән хезмәтләр+кайнар су.
Максималь төргә керүче йортлар: тулы төрдәге хезмәт күрсәтүләр+лифт.
Аңлаешлырак булсын өчен формуланы аерым мисалларда карап китү урынлы булыр. Мисал өчен, “Яшьлек” микрорайонындагы 10 катлы йорт газ, ут, кайнар һәм салкын су, лифт – бар да кертелгән, димәк, максималь төр.

Календарьда февраль ае, региональ стандарт бәяләре күрсәтелгән таблицаның беренче графасы 01.01.2013– 30.04.2013 кадәрге вакыт аралыгын карабыз. Фатирда 4 кеше пропискада. Таблицадан үзегезгә туры килә торган графаны эзләп табасыз, бу очракта региональ тариф – 2000. Формула буенча шул 2000не пропискадагы кешеләр санына тапкырлыйсыз, була –8000. Аннары гаиләнең айлык уртача керемен исәплибез, булсын 30 мең. Шуның 21%ын табабыз, ул була 6300. 8000– 6300 = 1700, бу гаиләгә бирелергә тиешле субсидия күләме.

Әлеге формула буенча исәпләгәндә, сезнең гаиләгә субсидия тиеш дип тапсагыз, фатирның сезнең мөлкәт булуын раслаучы документ, паспорт, эш урыныннан соңгы 6 ай эчендәге хезмәт хакы күрсәтелгән справка һәм башка документларны Халыкны социаль яклау идарәсенә тапшырырга кирәк булачак.

Халыкка ярдәм итү максатыннан биредә студентлар белән укулар уздырыла. Белгечләр аларны формула белән ничек эшләргә, субсидия размерын дөрес итеп исәпләргә өйрәтә. 26 февральдән башлап әлеге кыска курсларны уңышлы узган студент– волонтерлар төркеме Бердәм – исәп – хисап үзәкләрендә ( ЕРРЦ) да дежур торып, кешеләргә ярдәм итәчәкләр.

Халыкны социаль яклау идарәсендә тагы бер яңалык, 4 марттан белгечләргә бары тик электрон чират буенча керергә мөмкин булачак. Начар күрүчеләр өчен кайсы кабинетта, нинди хезмәт күрсәтелүен аңлатып торучы электрон– видео табло эшли.

Соңгы яңарту: 2021 елның 9 феврале, 22:11