1946 елның 23 апрелендә ТАССРның Әлмәт районы Габдрахман авылында туган. Тау инженеры. «Нефть һәм газ скважиналарын бораулау» белгечлеге буенча октябрь нефть техникумын (1964) һәм производстводан аерылмыйча – Мәскәү нефть химиясе һәм газ сәнәгате институтының татар кичке факультетын тәмамлый «Нефть һәм газ ятмаларын эшкәртүнең технологиясе һәм комплекслы механикалаштыру» белгечлеге буенча (1971). Техникумны тәмамлаганнан соң, «Татнефть» берләшмәсенең «Әлмәтбурнефть» трестында бораулаучы ярдәмчесе һәм өлкән инженер, 1967 елдан Миңлебай газ эшкәртү заводы операторы, 1967-1968 елларда – «Әлмәтнефть» НГДУ пласт басымын саклау буенча оператор, мастер, участок башлыгы, цех башлыгы урынбасары, район инженер – технология хезмәте башлыгы булып эшли. 1978 елда «Татнефть» тарихында иң яшь идарә башлыгы була һәм ярты елдан да ким булмаган чорда «Җәлилнефть» идарәсе коллективын кризистан чыгара. 1983-85 елларда, «Әлмәтнефть» идарәсе башлыгы буларак, идарәнең матди базасын ныгыту, яңа технологияләр булдыру һәм гамәлгә кертү өчен күп нәрсә булдыра. 1985-1990 елларда КПССның Лениногорск шәһәр комитетының беренче секретаре булып эшли, шәһәрнең социаль үсешенә, авылларны газлаштыруга һәм районның агросәнәгать секторын көчәйтүгә зур өлеш кертә. 1990 елда ул яңадан җитештерү эшчәнлегенә әйләнеп кайта – баш инженер, генераль берләшмәнең беренче урынбасары, 1999 елдан «Татнефть» АҖ генераль директоры була. Ш.Ф. Тәхаветдинов нефть чыгару, әзерләү һәм транспорт процессларының техник һәм технологик сәясәтенә, яңа икътисади шартларны исәпкә алып, җитештерүне модернизацияләүгә турыдан-туры йогынты ясый, киләчәккә исәп-хисап белән җитәкчелек итә. Шәфәгать Фәхраз улының «Татнефть» ААҖнең финанс хәлен тотрыклыландыруга, компаниянең дөнья базарына чыгуына һәм аның халыкара имиджын ныгытуга керткән өлеше зур. Утыздан артык уйлап табулар һәм күпсанлы басмалар авторы, Лондонда, Стамбулда халыкара тармак конференцияләрендә катнашучы. Хезмәт Кызыл Байрагы ордены (1981), "Фидакарь хезмәт өчен. В. и.Ленинның тууына 100 ел тулу уңаеннан" (1970). Россия Федерациясенең атказанган нефть һәм газ сәнәгате хезмәткәре (1993), Татарстан Республикасының Атказанган нефтьчесе (1996), Россия Федерациясе Энергетика министрлыгының Атказанган хезмәткәре (1996), «Татнефть» АҖ Мактаулы нефтьчесе (1996). Фән һәм техника өлкәсендә Татарстан Республикасы Дәүләт премиясе лауреаты (1996). Лениногорск шәһәр Советы һәм Сарман район Советы депутаты итеп сайланган. 1995 елдан Татарстан Республикасы Дәүләт Советының халык депутаты. Әлмәт районының һәм Әлмәт шәһәренең Мактаулы гражданины (2001).