ЯҢАЛЫКЛАР

Җәйге чорда авыл хезмәтчәннәре өчен аеруча кызу вакыт. Аграрийлар малларга яшел азык әзерләү белән мәшгуль. Малларны кышлату өчен район буенча  8700 тонна печән,   39000 тонна сенаж, 43500 тонна силос әзерләп калдыру зарур.  

Эшлекле дүшәмбедә район башкарма комитеты җитәкчесенең төзелеш буенча урынбасары Айрат Мөхәмәтҗанов чыгышы тыңланды. Ул шәһәрдә һәм районда барган төзелеш белән таныштырды. Ул билгеләп узганча, «Социальная ипотека» программасы кысаларында гыйнвар аенда  «АЛСУ» микрорайонында 2 йорт тапшырылуын билгеләп узды. Заказчигы - «Әлмәтневнефть», подрядчигы ООО "Арслан".

Торак-коммуналь хуҗалык департаментына  ел башыннан 205 кеше мөрәҗәгать иткән. Бу турыда район активы белән булган киңәшмәдә департамент директоры Җәүдәт Сөләйманов чыгыш ясады.

Бүген Бөек Ватан сугышы ветераны Мисхәт Шагитов кунаклар кабул итте. Район башлыгы Айрат Хәйруллин аңа озак еллар дәвамында нәтиҗәле хезмәте һәм яшь буынга рухи-әхлакый һәм патриотик тәрбия бирүдә өлеш керткәне өчен Татарстан Республикасы Президенты Указы белән республиканың “Фидакарь хезмәт өчен» медален тапшырды. Мисхәт Фәсих улы 1926 елда 10 июньдә туган. Фронтка ул 1943 елда алына. Ул Ерак Көнчыгыш фронтта була, Япония белән сугышта катнаша. Өенә 1951 елда гына әйләнеп кайта. Шушы ук елны “Альметьевбурнефть”кә электромонтер булып эшкә урнаша һәм лаеклы ялга чыкканчы шунда хезмәт куя. Тырыш хезмәте Хезмәт Кызыл Байрагы ордены белән билгеләп үтелә. Бүген кунаклар арасында бораулау эшләре идарәсеннән дә вәкилләр бар иде. Ветераннар советы рәисе Василий Самойлов та ветеранга бүләкләр тапшырып, изге теләкләрен юллады.

2018нче елның 22 июнь көнне Әлмәтнең Халыкны эш белән тәэмин итү үзәге белгечләре шәһәрдән читтә урнашкан «Жемчужина» сәламәтләндерү лагерендә урнашкан Республиканың «Йолдызлы десант» палаткалы лагерендә булдылар. Татарстанның сигез районыннан авыр тормыш хәлендә калган балалар өчен һөнәри юнәлеш бирүче уеннар оештырылды. 

27 июнь  көнне ЮХИДИ бүлеге  «Тоннель» операциясе уздыра. Әлеге чара җәяүлеләр арасында тәртип бозулар булмавын күз аллап тормышка ашырыла. 

29 нчы июнь көнне  8 сәгать 30 минутта Әлмәтнең халыкны эш белән тәэмин итү үзәге  «Инвалидлар һәм  барлык теләүчеләр өчен вакантлы эш урыннары ярминкәсе» үткәрәчәк.

 «Шәһәрнең мәдәни мохиты" 23 июнь көнне халыкка  һәм шәһәр кунакларына якты истәлекләр һәм елмаюлар бүләк итте. 

Синоптиклар хәбәр иткәнчә, иртәгә, 25 июнь көнне, аязучан болытлы һава торышы көтелә. Төнлә явым-төшемсез. Көндез кыска вакытлы яңгыр, яшен, боз. Минималь температура төнлә  +14..+17º, максималь температура көндез  +29..+33º.