ЯҢАЛЫКЛАР


19
декабрь, 2017 ел
сишәмбе

Эш активлыгын арттыру һәм бизнеска административ басымны киметү буенча эш алып бару кысаларында 20 декабрьдә Әлмәт эшмәкәрләрен ТР Икътисад министрлыгы вәкилләре, районның башкарма комитеты җитәкчесенең икътисад буенча урынбасары А.Н.Подовалов, инвестицион үсеш буенча башлык киңәшчесе Ратмир Мавлиев белән ачык диалог рәвешендә очрашуга чакыралар.  

Сессия эшендә район башлыгы Айрат Хәйруллин, ТР Дәүләт Советы депутатлары Марат Галеев, Николай Кольгин, шәһәр Советы һәм район Советы депутатлары, мактаулы гражданнар, шулай ук шәһәр һәм район активы. Сессиядә депутатлар 2018 елга һәм 2019-2020 елларның план чорына шәһәр һәм районның социаль-икътисадый үсешенең төп күрсәткечләрен фаразлау мәсьәләләрен карап чыктылар. Депутатлар тарафыннан киләсе елга шәһәр һәм район бюджетлары турында мәсьәлә каралды, 2018 елга районның муниципаль мөлкәтен приватизацияләү планы турында мәгълүмат тыңланды. 

Әлмәт муниципаль районы Советының XXIV сессиясендә Экология һәм табигатьтән файдалану департаменты  директоры Айнур Исхаковның чыгышы тыңланды.  Айнур Расимович 2017 елдагы башкарылган эшләргә нәтиҗә ясады, алдагы елга куелган бурычларны бәян итте.

Әлмәт укучысы рус теленнән Халыкара олимпиадада җиңү яулады. 14-16 декабрьдә Мәскәүдә олимпиаданың йомгаклау этабы үтте. Анда 18 илдән, шулай ук чит илләрдән дә укучылар катнашты. Татарстан делегациясе составында 14 укучы иде. Р. Фәхретдин исемендәге 1 нче гимназиядән Адилә Закирова белән Елена Сайбель (укытучылары Гуро Лариса Әмирҗан кызы) финалга чыктылар. Елена Сайбель 10 нчы сыйныф укучылары арасында «Русский язык как неродной» номинациясендә җиңү яулады.

Әлмәт хоккей командасы үз бозында үткән серияне җиңү белән тәмамлады. Алар янына кунакка, хоккей карарга күптәнге дуслары - Рус Акташы интернатыннан балалар килгән иде. Аларның бирегә беренче тапкыр килүләре түгел. Әмма бу юлы аларга хоккей уенын карау мөмкинлеге тудырылды. Спорт сараенда йомшак уенчыклар җыю буенча хәйрия акциясе дә оештырылган иде.Матчка махсус кунаклар - Кыш бабай белән Кар кызы старт бирде. Беренче периодта счетны кунаклар ачса да, өченче периодта, ниһаять, Даниэль Насыйбуллин белән Максим Третьяк исәпне 2:1 итә алды. «Звезда» хоккейчылары ничек кенә тырышсалар да, исәпне тигезли алмадылар.Финал сиренасыннан соң бозга чыккан интернат балаларына хоккейчылар Яңа ел күчтәнәчләре тапшырды.

Чиләбе торбаларны прокатлау заводы группасы акционерларының инициативасы буенча Әлмәт һөнәри көллиятенең 26 студенты һәм ике укытучысы "Алнас" заводының исемле стипендияләре белән бүләкләнде. Тантана "Татарстан киләчәге көллияте" яңа укыту-лаборатория комплексында узды. 

Быел  безгә беренче тапкыр Бөек Устюгтан Россиянең төп Кыш бабае киләчәк.Ул ике көн Әлмәттә кунак булу дәверендә сәләтле балалар белән очрашырга, балалар йортында булырга, күпбалалы гаиләләрне Яңа ел белән котларга исәпли. Нефтьчеләр мәйданында Үзәк чыршыны ачу бәйрәмендә дә катнашачак Кыш бабай. Моннан тыш, оештыручылар Үзәк чыршы ачылышында башка күңелле сюрпризлар булачагын да җиткерә. Шәһәрдә һәм районда җәмгыясе 1300 дән артык мәдәни-күңел ачу һәм спорт-сәламәтләндерү чаралары планлаштырыла.

12 декабрьдә Г.Камал исемендәге Татар дәүләт театрында «Идел-йорт» XVII Регионара театрлар фестиваль-бәйгесе нәтиҗәләре буенча премияләр тапшырылды. Бүләкләү тантанасында катнашучыларны Гүзәл Азат кызы Шарипова - Татарстан Республикасы мәдәният министры урынбасары, Ринат Зиннур улы Закиров - Бөтендөнья татарлар конгрессы башкарма комитеты җитәкчесе, Фанзиль Хаким кызы Завгарова - традицион мәдәният республика үзәге директоры, Игламов Нияз Рауф улы - жюри рәисе сәламләделәр һәм котладылар. 

«Студ Star – 2017» җиңүчеләре билгеле.Яшьләр үзәгендә Татарстан көньяк-көнчыгышының беренче курс студентлары «Студ Star – 2017» фестивале гала-концертында чыгыш ясады.Иҗат коллективлары һәм аерым башкаручылар «Вокал», «Хореография», «Театраль юнәлеш», «Оригиналь жанр» буенча осталыкларын күрсәтте. Быел фестивальдә катнашу өчен юлланган гаризалар буенча рекорд куелган – алар саны 70 тән артып киткән. Көньяк-көнчыгыш масштабында фестиваль быел икенче тапкыр оештырылды. Нәтиҗәләр буенча Әлмәт музыка көллияте командасы өченче урынны яулады. КНИТУ-КАИ студентлары икенче, АГНИ беренче урынга лаек булды. Әлмәт политехникумы командасы җиңүче булып танылды.

2018 елның 1 гыйнварыннан 2017 елның 1 июлендәге 134-ФЗ санлы «28.12.2013 елгы 400-ФЗ санлы «Иминият пенсияләре турында»гы Федераль законның 26.1 маддәсенә үзгәрешләр кертү турында»гы Федераль закон үз көченә керә. Аның нигезендә эшләүдән туктаган очракта пенсионерларның иминият пенсияләре, «төшеп калган» индексацияләрне исәпкә алып, эштән киткән айдан соң тулы өч ай узгач, әмма эштән киткән айдан соң килүче айның беренче числосыннан ук индексация суммасы өстәлеп түләнәчәк. 


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International