Әлмәттә «Ямашнефть» хезмәт коллективының конференциясе үтте

19 февраль 2019 ел., сишәмбе

Конференциядә Әлмәт районы башлыгы Айрат Хәйруллин, «Татнефть»  ГАҖ генераль директоры Наиль Маганов, ТР Яшьләр һәм балалар эшләре буенча министры Дамир Фаттахов, «Татнефть»  ГАҖ профсоюз комитеты рәисе Гумар Яруллин катнаштылар. 

«Ямашнефть» рәисе Виктор Смыков 2018 ел нәтиҗәләре һәм 2019 елга бурычлары турында сөйләде.

Предприятие уңышлы җитештерү программасын тәмамлады. 1739 мең тонна гадәти һәм 922 мең тонна ныксутлы нефть чыгарылды.

176 геолог-техник чара уздырылды, 100 мең тонна өстәмә нефть чыгарылды.

Виктор Васильевич аерым идарәдә уйлап табылган нефтьне резервуарлы әзерләү технологиясен билгеләп үтте.

Транспорт чыгымнары соңгы 5 елда 45%ка кимеде.

Компания 476 млн. сум торак пунктларны төзекләндерүгә юнәлткән: 36 км юллар ремонтланган, 9 торак пунктта су үткәргеч системалары ясалган, Елховода мәктәп ремонты узды, Клементейкинода балалар мәйданчыгы җиһазландырылды.

Яшь хезмәткәрләр профессиональ осталык конкурсында яхшы нәтиҗәгә иреште – 5 номинациядән өчесендә беренче урыннарны алдылар.

2019 ел компания өчен юбилейлы.

Үз чыгышында Айрат Хәйруллин нефтяникларның шәһәр һәм районның җәмгыяви яшәвендә актив булуын ассызыклады. Бүген ТОС-6 Әлмәттә генә түгел, республикада иң яхшыларның берсе.

2019 ел Татарстанда Эш профессияләре елы булып игълан ителде. Дамир Фаттахов билгеләгәнчә, бу – предприятиеләрдә яшьләр сәясәтен яңа дәрәҗәдәгә күтәрү мөмкинлеге булып тора. Ул Компаниянең яшьләр коллективының Татарстанда иң көчле булуын билгеләде.

Идарәнең иң яхшы эшчеләре Мактаулы грамоталары һәм Рәхмәт хатларын алдылар. 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования